網紅的藏寶箱【格魯吉亞 Georgia】
成人有朋友問我旅程上最鍾意邊個國家，我答佢地格魯吉亞，估唔到好多人都唔知呢個國家喺邊度，甚至有人連個名都未聽過。其實格魯吉亞位於西亞高加索地區，同歐洲相隔一個黑海，以壯麗嘅山脈而聞名，疫情前幾年已經漸漸成為歐洲人渡假或者行山嘅熱門旅遊地點。而香港亦都開始有旅行社以高加索旅行團作招來，圍繞住阿塞拜彊、格魯吉亞同阿美尼亞三個國家計劃行程。
原本旅遊業發展得越來越好嘅格魯吉亞，曾經都係一個我想去發展嘅國家，或者有朋友都知道，我原本係打算喺當地開一間hostel，然後慢慢發展我旅行版圖嘅另一頁。可惜天意弄人，一個武肺就將全世界嘅旅遊業都推落谷底，而我呢個計劃當然亦都要無了期擱置。
香港人被困喺香港咁耐，當然好想飛吓離開吓，但而家政府迫針迫到咁，唔打針唔俾返工甚至唔俾返學，相信好快分分鐘唔打針就唔俾出境，咁同推人去死有咩分別？真係唔好諗會有公平投票權，我諗我地就快連選擇打唔打疫苗嘅權利都會冇埋…
Search